Ibilbideak: Joan-etorria bide beretik

Lurraldeak

Ibilbide mota

inaxio-k sortua, 2008, martxoa 30 - 13:22
Kategoriak Nafarroa
ABIAPUNTUA Amunarrizketa
Eskema Amunarrizketa (herria) - San Pelaio - Amunarrizketa (mendia) - Amunarrizketa (herria)

Amunarrizketako eliza eskubi aldetik saihesten duen pista zabaletik abiatuko gara eta gari-soroen bazterretik egingo dugu aurrera 3 bat kilometrotan. Pista nagusiari jarraitu behar zaio, ez dago nahasterik. Halako batean pista pinudi batera heldu eta aldapa gogortu egiten da, baina pista berak eramago gaitu mendi-bizkarrera.

Bizkarrean bidegurutze batekin egingo dugu topo. Eskubira jo behar dugu han, pista zabal batean aurrera. Pistak berak eramango gaitu San Pelaioaren tontorreraino, tarteko muinoak batzuetan eskubi aldetik eta bestetan ezker aldetik saihestuz. Bi kilometro inguru dira egin beharrekoak.

Jose-k sortua, 2008, martxoa 22 - 13:48
Kategoriak Gipuzkoa
ABIAPUNTUA Komizar
Eskema Komizar - Belabieta - Urdelar

Urdelarrera igotzeko abiapuntu arruntena izan ez arren, Billabona aldetik badago bertara iristerik, Belabietatik iparraldera luzatzen den mendi-bizkarreko pinudietan zehar.

JFdeA-k sortua, 2008, urtarrila 6 - 13:27
Kategoriak Araba, Burgos
ABIAPUNTUA Nograro
Eskema Nograro-Mota-Cueto-Nograro

Nograro Arabako Gobiaran koadrilako herria dugu. Arabaren mendebaldean dago, Artzena mendi zerraren Iean.
Herritik Hra jo. Herritik bertatik ateratzen den pistaz baliatuz.
Ez galdu bi tontorren (Mota, ekialdera, eta Cueto, mendebaldera) erreferentzia, irteera honen zailtasuna pisten eta bideen ugaritasuna baita.
Jo bi tontor horien artean dagoen mendi lepora. Bertotik tontor batera eta bestera ordu erdiko bidea dago.
Tontorrak Bi bailaren arteko mugak ditugu: Losa eta gobiaran. Eta ikuspegia zoragarria: Hra Umion, Obarenes, Demanda; Mra Balderejo, Europako tontorrak; Ira Salbada, Gorbeia, Anboto; Era Kantauri mendi zerra, Aitzgorri, San Donato.

Jose-k sortua, 2007, abendua 24 - 20:37
Kategoriak Gipuzkoa
ABIAPUNTUA Zegamako geralekua
Eskema Zegamako geralekua - Intzuzaeta lepoa - Harri Urdin saroia - Biozkornia - Artzanburu

Artzanburura igotzeko abiapuntu egokia eskaintzen du Zegamako tren geralekuak. Igoeraren zati handi bat, Intzuzaeta lepotik Biozkornia lepora, GR 34 ibilbidearen parte denez ongi adierazita dago marka zuri-gorriz, eta gainera mendizale askok erabiltzen dute bide hau Aizkorri eta Aloñako mendikateko tontorretara igotzeko. Horren ondorioz bidea erraz jarraitzen da, eta arazo gabe igoko gara.

Jose-k sortua, 2007, abendua 15 - 19:31
Kategoriak Gipuzkoa
ABIAPUNTUA Urbiako fonda
Eskema Urbiako fonda - Pagarreta lepoa - Zelaibizkar lepoa - Burgalaitz

Urbiara gerturatzen diren mendizaleen artean aukera nagusia Aizkorri bada ere, Urbiako larreen inguruan badira beste hainbat mendi ere, altueragatik asko nabarmendu ez arren xarma badutenak eta bisita bat merezi dutenak. Horietako bat da Burgalaitz. Jarraian azaltzen den ibilbideak Urbiako Fonda abiapuntu bezala hartuta Burgalaitz du helmuga.

Jose-k sortua, 2007, abendua 6 - 21:48
Kategoriak Bearn
ABIAPUNTUA Bitet bailara
Eskema Bitet bailara - Isabeko aintzira - Pic de Sesques

Jarraian azaltzen den ibilbideak, Ossau ibaiaren ertzetik abiatuta Bitet bailaran gora Isabeko aintzira ederrera eramango gaitu, eta gorantz jarraituta, inguruko garaiena den Pic de Sesqueseko tontorra harrapatzea ahalbidetuko digu. Igoera erraza da, baina gainditu beharreko gora-behera handia.

Jose-k sortua, 2007, azaroa 28 - 00:11
Kategoriak Bearn, Hautes-Pyrénées
ABIAPUNTUA Gourette
Eskema Gourette - Louesqueko aintzirak - Sanctus

Gourette eski estazioaren inguruko mendien artean Sanctus ez da asko nabarmentzen, gehienak baitira hura baino altuera handiagoa dutenak. Baina hala ere, Louesqueko aintziretatik pasatzen den bideak oso igoera polita eskaintzen du. Agian horregatik Eaux-Bonnes eta Gouretteko turismo bulegoetan proposatzen duten ibilaldietako bat da Sanctusera igoera.

inaxio-k sortua, 2007, iraila 16 - 20:28
Kategoriak Nafarroa
ABIAPUNTUA Izpegi mt.
Eskema Izpegi mt. - Nekaitz - Arrigorri - Auza

Izpegiko mendateko aparkalekutik abiatuko gara. Haren amaieran zenbait arrasto abiatzen da mendi aldera. Goraka abiatzen direnak baztertu eta behera eginez hasten den bidezidor nabarmen bat aukeratuko dugu: Bankarako bidea dela adierazten du letrero batek hasieran, eta marra zuriberdez markatuta dago. Bideak ez du beherago jotzen, Olateko ekialdeko markarrak zeharkatzen ditu zeharka-zeharka, pagadian barrena, aldapa handirik bilatu gabe. Oso bide atsegina da. Bi kilometro inguruan luzatu ondoren Nekaitzeko lepora igo eta Auzaren aurrean utziko gaitu, mendiaren ikuspegi ikusgarriena erakutsiz.

Jose-k sortua, 2007, iraila 1 - 11:33
Kategoriak Huesca
ABIAPUNTUA Formigal
Eskema Formigal - ipar-mendebaldeko lepoa - bi tontorren arteko lepoa - Foratatako mendebaldeko tontorra

Foratatak bi tontor nagusi ditu. Mendebaldekoak, garaiagoa den ekialdekoak ez bezala, nahiko igoera erraza eskaintzen du. Hemen azaltzen den ibilbidea Formigaletik abiatzen da, eta Foratatak hego-mendebaldera erakusten dituen horma malkartsuak ipar-mendebaldeko lepotik ekidinez, gandorra zeharkatu eta bi tontorrak banatzen dituen lepoa bilatzen du, handik mendebaldeko tontorrera igotzeko.

Jose-k sortua, 2007, abuztua 13 - 20:09
Kategoriak Nafarroa
ABIAPUNTUA Uharte-Arakil
Eskema Uharte-Arakil - Uharte-Arakileko portua - Beriain

Lehenengo begiratuan ezinezkoa dirudien arren, Beriainen iparraldeko amildegi ikusgarriak gainditzea ez da batere zaila. Uharte-Arakiletik abiatzen den bide bat amildegia hain malkartsua ez den tarte batetaz baliatzen da mendi-gaineko larreetara pasabidea aurkitzeko. Malda handia da, baina ez dago bestelako zailtasunik. Oso erabilia denez mendizaleen oinek bide garbia ireki dute, eta erreza da bide zuzena jarraitzea.