Ibilbideak: Joan-etorria bide beretik

Upo eta Artanda artean dagoen Axola lepoa da ibilaldi honen abiapuntua. Lepotik ekialderantz irteten diren bi bideen artean ezkerrekoa hartu behar da, hau da, gorantz egiten duena, eta laster bide hau utzi behar da, ezkerretara irteten den bidezidorra hartzeko. Atsedenleku baten aldamenetik igaro, eta pagadian sartzen da. Bide honek zuzen-zuzen egiten du gora, pago lerdenen artean.

Zierbenako auzune nagusia den Aldapako elizaren ondoan hasten da ibilaldi hau. Auzunea zeharkatu eta iparralderantz igotzen den bidea hartu behar da. Bide honek ekialde norabidea hartzen du, eta zertxobait aurrerago bitan banatzen da. Ezkerreko bidetik jarraitu behar da. Langa bat gainditu, eta laster beste bidegurutze batean berriz ere ezkerrekoa hartu behar da.

Bikotzganeko atsedenlekutik abiatuta, errepidetik tartetxo bat egin behar da Orozko alderantz. Mendatearen seinalea pasatu eta laster, langa bat gainditu eta eskuinerantz abiatzen den bidea hartu behar da. Muino bat ezkerretik inguratzen du bide honek, pinu landaketen artean. Ondoren altuera pixka bat galtzen du, eta berriz ere igotzen hasi eta laster, bide hau utzi behar da, ezkerrerantz maldan gora abiatzen den bidezidorra hartzeko.

Pagomakurre izango da ziurrenez mendizaleek Gorbeiara igotzeko gehien aukeratzen duten abiapuntua. Ez da ibilbide laburrena izango, baina bai xamurrenetako bat.

Montañoren hego-ekialdean, autopista gainetik zeharkatzen duen zubiaren inguruak dira ibilbide honen abiapuntua. Igoerak bi zati ditu: aurrena, tarte batzuetan porlanezkoa eta beste batzuetan hartxintxarrezkoa den bide bat jarraitzen da; gero, bidezidor estu eta aldapatsu batean zehar igotzen da tontorreraino. Laburra da, baina pikoa bigarren zatian.

Basatxutik Santa Agedara doan errepidetik, Santa Ageda baino 400 m inguru lehenago, porlanezko bide bat abiatzen da. Toki hau da ibilbidearen hasiera puntua. Bide honek iparralderantz jotzen du aurrena, eta pixkanaka altuera hartzen du, aldi berean ezkerretara eginez. La Llana bezala ezagutzen den muinoa inguratzen da.

Elorritxuganeko atsedenlekuko aparkalekua abiapuntu egokia da Gangureneko tontorrera haurrekin ibilalditxo bat egiteko. Aparkalekuaren ertzetik, Lezamara jaisten den errepidea gurutzatu, eta lurrezko bide bat hartu behar da. Bide hau, mendigaina jarraituz tontorrera gerturatzen da, Txorierrira ikuspegi ederra eskainiz, baina ez da tontorrera iristen. Ipar magaletik zeharkatzen du. Tontorrera joateko bide hau utzi eta honen ezkerrean metro gutxira igarotzen den errepidea hartu behar da. Tontorreko komunikazio antenetara doa errepide hau.