Txorrina Uxueko mendilerroko azken gaina dugu hegoaldetik. Mendialde honetako gainalde ia osoa soroek hartuta egonik ere, Txorrina, ondoko Pilas gaina bezala, baso trinko batek estalita dago. Inguru honetan mendizale eta abere askorik ez ibilita, bidexkak ez dira aurkitzeko errazak, baina gailur hau artean aurkitzeko moduan dago. Tontorreko seinale geodesikoak adierazten du garai batean paisaia zabala ikus zitekeela handik, baina egun pinuek dena hartu dute.